نیو یارک سپر اسٹار اسکواڈ میں کولن ڈی گرینڈ ہوم اور نرسنگھ دیونارائن کا اضافہ

نیو یارک سپر اسٹار اسکواڈ میں کولن ڈی گرینڈ ہوم اور نرسنگھ دیونارائن کا اضافہ

دبئی (5 مارچ 2024)

لیجنڈز کرکٹ ٹرافی کے آمدہ سیزن کے لئے شائقین کا جوش و خروش بڑھاتا جارہا ہے کیونکہ نیو یارک سپر اسٹار اسٹرائیکرز نے کرکٹ لیجنڈز کولن ڈی گرینڈ ہوم اور نرسنگھ دیونارائن کو اپنے اسکواڈ کا حصہ بنالیا ہے۔

نیویارک سپر اسٹار اسٹرائیکرز کی اس کرکٹ ایونٹ میں پہلی شرکت ہے۔ ٹورنامنٹ 8 سے 19 مارچ 2024 تک سری لنکا کے شہر کینڈی کے پالے اکیلے اسٹیڈیم میں کھیلا جائے گا۔

شائقین کو سنسنی خیز میچ دیکھنے کا بے صبری سے انتظار ہے جس میں یوراج سنگھ، اسورو ادانا، اسیلا گنارتنے، الویرو پیٹرسن، ریکارڈو پاول اور دیگر جیسے مشہور کرکٹ آئیکون شامل ہیں۔

کولن ڈی گرینڈ ہوم اپنی دھماکہ خیز بیٹنگ اور متحرک آل راؤنڈ کارکردگی کے لئے مشہور ہیں۔ انہوں نے نیویارک سپر اسٹار اسٹرائیکرز کا حصہ بننے پر خوشی کا اظہار کیا ہے۔

اپنے شاندار اسٹروک پلے سے شہرت رکھنے والے نرسنگھ دیونارائن بھی آمدہ سیزن کے حوالے سے خاصے پرجوش ہیں۔