آئی سی سی چیمپئنز ٹرافی 2025 افتتاحی تقریب کراچی میں کرنے کا شاندار فیصلہ
تحریر: عبدالغفار خان
پاکستان کرکٹ بورڈ (پی سی بی) کے چیئرمین محسن نقوی نے کراچی میں میڈیا سے گفتگو کرتے ہوئے چیمپئنز ٹرافی 2025 کے حوالے سے اہم اعلانات کیے۔
نیا ناظم آباد اسپورٹس جیم خانہ کے دورے کے موقع پر ان کا کہنا تھا کہ کراچی کو اس بڑے ایونٹ کی میزبانی کے لیے بھرپور طریقے سے تیار کیا جا رہا ہے، اور افتتاحی تقریب شایانِ شان ہوگی۔
محسن نقوی نے بتایا کہ 19 فروری کو پاکستان اور نیوزی لینڈ کے درمیان ہونے والے افتتاحی میچ کے موقع پر ایک یادگار تقریب کا انعقاد کیا جائے گا، جس میں شائقین کو ایک بہترین تجربہ فراہم کرنے کے لیے خصوصی انتظامات کیے گئے ہیں۔
ان کے مطابق کراچی کے عوام کرکٹ سے بے پناہ محبت کرتے ہیں، اور اس محبت کو دیکھتے ہوئے پی سی بی نے شہر میں ایک بڑے ایونٹ کے انعقاد کا فیصلہ کیا ہے۔
چیئرمین پی سی بی نے قومی ٹیم کے حوالے سے بھی اپنے خیالات کا اظہار کرتے ہوئے کہا کہ کھلاڑی سخت محنت کر رہے ہیں اور آنے والے وقت میں ٹیم مزید مضبوط ہو کر سامنے آئے گی۔ ان کے مطابق، "ہماری ٹیم محنت کرتی نظر آئے گی، نتیجہ اللہ کے ہاتھ میں ہے، لیکن کھلاڑیوں کی لگن اور محنت سے امید ہے کہ کامیابیاں پاکستان کے قدم چومیں گی۔”
محسن نقوی کے اس بیان نے کراچی کے کرکٹ شائقین میں جوش و خروش پیدا کر دیا ہے۔ چیمپئنز ٹرافی کی افتتاحی تقریب کے ساتھ ساتھ، کراچی میں مزید بین الاقوامی میچز کے انعقاد کی امیدیں بھی بڑھ گئی ہیں۔ اگر یہ ایونٹ کامیاب ہوتا ہے، تو مستقبل میں شہرِ قائد کو مزید کرکٹ مقابلوں کی میزبانی کا موقع مل سکتا ہے۔
کراچی ہمیشہ سے پاکستان کرکٹ کا ایک مضبوط مرکز رہا ہے، اور اب چیمپئنز ٹرافی کی افتتاحی تقریب کے ذریعے یہ ایک بار پھر عالمی کرکٹ کے منظر نامے پر نمایاں ہونے جا رہا ہے۔ شائقین بےصبری سے 19 فروری کا انتظار کر رہے ہیں، جب پاکستان اپنی ہوم گراؤنڈ پر ایک بڑے ٹورنامنٹ کا شاندار آغاز کرے گا۔
کراچی، جو پاکستان کرکٹ کا ایک مضبوط گڑھ ہے، نے کئی شاندار ٹورنامنٹس اور تاریخی میچوں کی میزبانی کی ہے۔ پاکستان کرکٹ بورڈ (پی سی بی) کے تحت مختلف بین الاقوامی اور ملکی ٹورنامنٹس یہاں منعقد ہوچکے ہیں، جنہوں نے نہ صرف مقامی شائقین بلکہ دنیا بھر کے کرکٹ فینز کو محظوظ کیا۔
1987 پاکستان اور بھارت نے مشترکہ طور پر کرکٹ ورلڈکپ کپ کی میزبانی کی تھی، اور کراچی میں کئی اہم میچز کھیلے گئے۔
کراچی، جو پاکستان کرکٹ کا ایک مضبوط گڑھ ہے، نے کئی شاندار ٹورنامنٹس اور تاریخی میچوں کی میزبانی کی ہے۔ پاکستان کرکٹ بورڈ (پی سی بی) کے تحت مختلف بین الاقوامی اور ملکی ٹورنامنٹس یہاں منعقد ہوچکے ہیں، جنہوں نے نہ صرف مقامی شائقین بلکہ دنیا بھر کے کرکٹ فینز کو محظوظ کیا۔
1987میں پاکستان اور بھارت نے مشترکہ طور پر کرکٹ ورلڈکپ کپ کی میزبانی کی تھی، اور کراچی میں کئی اہم میچز کھیلے گئے۔
1996 کرکٹ ورلڈ کپ ;
یہ دوسرا موقع تھا جب کراچی نے عالمی کپ کے میچز کی میزبانی کی۔ نیشنل اسٹیڈیم میں اہم میچز کھیلے گئے، جن میں شائقین کی بڑی تعداد نے شرکت کی۔
2004 ایشیا کپ ;
کراچی میں ایشیا کپ کے اہم میچز منعقد ہوئے، جہاں پاکستان، بھارت، سری لنکا، اور دیگر ایشیائی ٹیموں کے درمیان سنسنی خیز مقابلے دیکھنے کو ملے۔
2008 پینٹینگولر کپ ;
یہ پاکستان کا ایک اہم ڈومیسٹک ٹورنامنٹ تھا، جس میں پانچ بہترین ریجنل ٹیمیں آمنے سامنے آئیں۔ کراچی میں ہونے والے میچز میں قومی کرکٹرز نے شاندار کارکردگی دکھائی۔
یہ ایک تاریخی لمحہ تھا جب کئی سالوں بعد ایک بڑا بین الاقوامی کرکٹ ایونٹ کراچی میں منعقد ہوا۔ کراچی کے نیشنل اسٹیڈیم میں پی ایس ایل 2018 کا فائنل کھیلا گیا، جس نے پاکستان میں انٹرنیشنل کرکٹ کی بحالی میں اہم کردار ادا کیا۔
پی ایس ایل 2020 کا پورا ایڈیشن پاکستان میں ہوا، اور کراچی نے فائنل سمیت کئی اہم میچز کی میزبانی کی، جس سے شہر میں کرکٹ کا جنون اپنے عروج پر پہنچ گیا۔2022آسٹریلیا نے 24 سال بعد کراچی میں ٹیسٹ میچ کھیلا جبکہ انگلینڈ نے بھی اپنے ٹیسٹ اور ٹی20 میچز کے لیے کراچی کو منتخب کیا، جو بین الاقوامی کرکٹ کے لیے ایک بڑا سنگ میل تھا۔
اب چیمپئنز ٹرافی 2025 کی افتتاحی تقریب اور ابتدائی میچ کراچی میں منعقد ہونے جا رہے ہیں، جو اس شہر کی کرکٹ تاریخ میں ایک اور شاندار اضافہ ہوگا۔ یہ ایونٹ شائقین کے لیے ایک یادگار لمحہ ہوگا اور کراچی کو دوبارہ عالمی کرکٹ کے مرکز میں لے آئے گا۔
