کولمبیا کی فٹبال ٹیم کے سابق کپتان فریڈی رنکون کی کار کو حادثہ

کولمبیا سے تعلق رکھنے والے سابق مایہ ناز فٹبالر اور ان کی ٹیم کے سابق کپتان فریڈی رنکون ایک کار حادثے میں شدید زخمی ہو گئے ہیں ، اطلاعات کے مطابق فریڈی رنکون کی کار جس میں مزید تین افراد بھی سوار تھے تیز رفتاری کے باعث بے قابو ہو کر ایک بس کے ساتھ ٹکرا گئی جس کے بعد فریڈی کو انتہائی تشویشناک حالت میں کلینک منتقل کیا گیا کلینک ذرائع کے مطابق ان کے سر میں شدید چوٹیں آئی ہیں فریڈی نکون کولمبیا کی جانب سے تین ورلڈ کپ بھی کھیل چکے ہیں۔