خیبرپختونخوا سپورٹس ڈائریکٹوریٹ میں تربیت حاصل کرنے والے جمناسٹ کا اپنے کوچ کیلئے احتجاج.

خیبرپختونخوا سپورٹس ڈائریکٹوریٹ میںتربیت حاصل کرنے والے جمناسٹ کا اپنے کوچ کیلئے احتجاج

مسرت اللہ جان

پشاورسپورٹس ڈائریکٹریٹ میں عرصہ دراز سے تربیت حاصل کرنے والے جمناسٹ کے ایک گروپ نے اپنے کوچ کیلئے گذشتہ روز احتجاج کرنے کی کوش کی گزشتہ روز ڈائریکٹر جنرل آف سپورٹس کے دفتر کے باہر اپنے خدشات کا اظہارکرنے کیلئے جمع ہوگئے تاہم بدقسمتی سے، ان کی کوششوں پر پانی پھیر دیا گیا

اکتوبر میں ہونے والی بین الصوبائی جمناسٹک چیمپئن شپ کے ساتھ، یہ خواہشمند کھلاڑی تیاری کے لیے بے تاب ہیں۔ تاہم، کوچ کی عدم موجودگی نے انہیں اپنی بنیادی تکنیکوں کو بہتر بنانے کے لیے درکار ضروری رہنمائی کے بغیر چھوڑ دیاگیا ہے جس کی وجہ سے یہ جمناسٹ ذہنی تناﺅ کا شکار ہیں.

یہ جمناسٹ، جومانہ فیس اور ممبر شپ ادا کر رہے ہیں، خیبر پختونخواہ کے اسپورٹس ڈائریکٹوریٹ کے دفتر کے سامنے جمع ہوئے تاکہ اپنی ٹریننگ شروع کرنے کے لیے کوچ کی تقرری کی درخواست کریں۔ افسوس کہ وہ منتشر ہونے پر مجبور ہونے پر مجبور کردیا گیا

یہ بات قابل غور ہے کہ خیبرپختونخوا سپورٹس ڈائریکٹوریٹ نے حال ہی میں اپنے یومیہ اجرت والے کوچز کو ختم کر دیا ہے، جس سے جمناسٹک کے کھلاڑی گزشتہ تین ماہ سے کوچ کے بغیر ہیں۔