سوریا کمار یادیو بابر اعظم کیلئے خطرہ بن گئے

ابھرتے ہوئے ہندوستانی سٹار سوریہ کمار یادیو کی آئی سی سی مینز پلیئر رینکنگ میں تیزی سے ترقی کے بعد پاکستانی کپتان بابر اعظم کی ٹی ٹوئنٹی کرکٹ میں پہلی پوزیشن خطرے میں پڑ گئی ہے۔ سوریا کمار یادیو ویسٹ انڈیز کے خلاف جاری T20I سیریز کے دوران عمدہ فارم میں ہیں اور 31 سالہ نوجوان کی بلے کے ساتھ عمدہ فارم نے انہیں رینکنگ میں ترقی پانے میں مدد دی ہے۔

آئی سی سی نے بدھ کو نئی ٹی ٹوئنٹی رینکنگ جاری کی جس میں سوریا کمار یادو بلے بازوں کی فہرست میں 3 درجے ترقی کے بعد دوسری پوزیشن پر پہنچ گئے ہیں اور ان کا پہلی پوزیشن پر براجمان بابر اعظم سے فاصلہ صرف 2 پوائنٹس کا رہ گیا ہے۔ سوریا کمار یادیو نے پچھلے سال کے آغاز میں ہی اپنا بین الاقوامی شروع کیا تھا اور ان کی ٹی ٹوئنٹی رینکنگ میں تیزی سے ترقی پچھلے مہینے ناٹنگھم میں انگلینڈ کے خلاف سنچری اور منگل کو ویسٹ انڈیز کے خلاف نصف سنچری کے بعد ہوئی ہے۔

سوریا کمار یادو اب تک ویسٹ انڈیز کے خلاف ٹی ٹوئنٹی سیریز کے پہلے تین میچوں میں 168 سے زیادہ کے سٹرائیک ریٹ پر 111 رنز بناچکے ہیں۔ ان کے پاس بابر اعظم سے پہلی پوزیشن چھیننے کا موقع ہے کیوں کہ ہندوستان کے پاس ویسٹ انڈیز کے خلاف پانچ ٹی 20 میچوں کی سیریز میں ابھی دو اور میچز باقی ہیں۔ اگر سوریا کمار یادیو ان میچوں میں اچھا سکور کرتا ہے تو وہ بابر کو نمبر 1 رینکنگ بلے باز کے طور پر پیچھے چھوڑ سکتا ہے کیونکہ پاکستان کا اگلا T20I مقابلہ ایشیا کپ میں بھارت کے خلاف 28 اگست کو شیڈول ہے۔