ٹی ٹوئنٹی ورلڈ کپ، جنوبی افریقہ نے بھی سکواڈ کا اعلان کردیا

جنوبی افریقا نے آئی سی سی ٹی ٹوئنٹی ورلڈ کپ 2022 کے لیے سکواڈ کا اعلان کردیا۔تفصیلات کے مطابق پروٹیز نے آسٹریلیا میں ہونے والے ٹی ٹوئنٹی ورلڈکپ کے لئے اپنے 15 رکنی اسکواڈ کا اعلان کیا۔جنوبی افریقا بورڈ کی جانب سے جاری بیان میں کہا گیا کہ ٹرسٹن اسٹیبس ورلڈکپ سے اپنا ٹی ٹوئنٹی کیرئیر کا ڈیبیو کرینگے جبکہ راسی وین ڈیر ڈوسن انجری کے باعث ٹیم سے باہر ہوگئے۔

بورڈ کی جانب سے اعلان کردہ اسکواڈ میں ٹیمبا بووما(کپتان)،کوئنٹن ڈی کوک، رضا ہینڈرکس، ہینرک کلاسن، کیشو مہاراج، ایڈن مارکرم، ڈیوڈ ملر، لنگی نگیڈی، اینریچ نورٹجے، وین پارنیل، ڈوین پریٹوریس،کیگسو ربادا، ریلی روسو، تبریز شمسی اور ٹرسٹن اسٹیبس شامل ہیں۔واضح رہے کہ ٹی ٹوئنٹی ورلڈکپ 2022 رواں سال اکتوبر، نومبر میں آسٹریلیا میں کھیلا جائے گا ۔ پروٹیز کو ٹی ٹوئنٹی ورلڈ کپ میں بھارت، پاکستان اور بنگلہ دیش کے ساتھ گروپ بی میں رکھا گیا ہے۔