ویسٹ انڈیز کیخلاف ٹی ٹوئنٹی سیریز کیلئے آسڑیلوی ٹیم کا اعلان

آسٹریلیا نے ویسٹ انڈیز سے ٹی ٹوئنٹی سیریز کے لیے 16 کھلاڑیوں پر مشتمل ٹیم کا اعلان کر دیا۔کرکٹ آسٹریلیا کے مطابق ایرون فنچ آسٹریلین ٹیم کی قیادت کریں گے جبکہ کیمرون گرین کو ٹیم میں برقرار رکھا گیا ہے۔آسٹریلین ٹیم میں ڈیوڈ وارنر، مچل مارش، مارکوس اسٹوئنس اور مچل اسٹارک کی واپسی ہوئی ہے

چاروں کھلاڑی بھارت سے ہونے والی سیریز میں ٹیم کا حصہ نہیں تھے۔آسٹریلیا اور ویسٹ انڈیز کے درمیان دو ٹی 20 میچز پر مشتمل سیریز کا پہلا میچ 5 اکتوبر کو گولڈ کوسٹ جبکہ دوسرا اور آخری میچ 7 اکتوبر کو برسبین میں کھیلا جائے گا۔آسٹریلوی کرکٹ ٹیم ویسٹ انڈیز کے بعد انگلینڈ کے خلاف 3 ٹی ٹوئنٹی میچز کی سیریز کھیلے گی۔