شکیب الحسن ون ڈے کرکٹ میں 300 وکٹیں، 7000 ہزار رنز بنانے والے تیسرے کرکٹر بن گئے

بنگلہ دیش کے آل رائونڈر شکیب الحسن ون ڈے کرکٹ میں 7000 رنز اور 300 وکٹیں مکمل کرنے والے تیسرے کرکٹر بن گئے۔ انہوں نے یہ اعزاز سلہٹ میں آئرلینڈ کے خلاف پہلے ون ڈے میں 24 رنز تک پہنچنے کے بعد حاصل کیا، ان سے قبل سری لنکا کے سابق کپتان سنتھ جے سوریا اور پاکستان کے سابق کپتان شاہد آفریدی یہ اعزاز حاصل کرچکے ہیں۔ شکیب الحسن بنگلہ دیش کے لیے ون ڈے کرکٹ میں تمیم اقبال کے بعد دوسرے سب سے زیادہ رنز بنانے والے کھلاڑی ہیں، تمیم اقبال کے 8146 رنز ہیں۔

بنگلہ دیش کی اننگز کے 20ویں اوور میں شکیب نے کرٹس کیمفر کی گیند پر سنگل لے کر یہ کارنامہ انجام دیا۔بنگلہ دیش کے پچھلے ون ڈے کے دوران، اس ماہ کے شروع میں انگلینڈ کے خلاف، شکیب نے اپنی چار وکٹیں لے کر 300 وکٹیں حاصل کیں۔ انہوں نے چٹگرام میں تیسرے ون ڈے میں ریحان احمد کی وکٹ لے کر تاریخی مقام حاصل کیا۔ اس نے انہیں جے سوریا اور ڈینیئل ویٹوری کے بعد یہ سنگ میل عبور کرنے والے تیسرے بائیں ہاتھ کے سپنر بنا دیا۔شکیب بنگلہ دیش کے ٹیسٹ اور ٹی ٹوئنٹی میں بالترتیب 231 اور 128 وکٹوں کے ساتھ سب سے زیادہ وکٹیں لینے والے بولر ہیں۔

شکیب اس وقت 443 وکٹوں کے ساتھ ٹی ٹوئنٹی میں سب سے زیادہ وکٹیں لینے والے پانچویں نمبر پر ہیں۔ شکیب الحسن ڈوین براوو کے بعد دوسرے کرکٹر ہیںجنہوں نے ٹی ٹوئنٹی میں 6000 رنز، 400 وکٹیں اور 50 کیچز کا کارنامہ انجام دیا ہے۔