نگراں صوبائی حکومت پر اختیارات سے تجاوز کا الزام، کروڑوں روپے کے سٹیڈیمز پی سی بی کو منتقل کرنے کیلئے کوشاں.

 

 

نگراں صوبائی حکومت پر اختیارات سے تجاوز کا الزام، کروڑوں روپے کے سٹیڈیمز پی سی بی کو منتقل کرنے کیلئے کوشاں

مسرت اللہ جان

 

ایک متنازعہ اقدام میں نگران صوبائی حکومت قیمتی صوبائی اثاثوں کی منتقلی شروع کر کے اپنے اختیارات سے تجاوز کرنے پر الزامات کی زد میں آ گئی ہے۔اور یہ مسئلہ کروڑوں روپے مالیت کے اسٹیڈیم مختص کرنے کا معاملہ ہے۔جو کہ پی سی بی کے زیرانتظام کی جارہی ہیں.

 

وزارت کھیل نے پاکستان کرکٹ بورڈ کو لیز پراسٹیڈیم تقسیم کرنے کا بے مثال قدم اٹھایا ہے، جو اصل میں کروڑوں روپے کی لاگت سے بنائے گئے تھے۔اور یہ تمام رقم صوبائی حکومت نے دی تھی جو کہ عوامی ٹیکسوں کے پیسوں سے بنائی جارہی ہیں. دونوں پر عرصہ دراز سے کام جاری ہے جنہیں اب نگران وزیر کھیل ڈاکٹر نجیب اللہ نے پی سی بی کے حوالے کرنے کے حوالے سے گذشتہ روز بات بھی کی.

 

ارباب نیاز کرکٹ اسٹیڈیم اور حیات آباد کرکٹ اسٹیڈیم، جوپشاور میںکرکٹ کے دو قیمتی کھیلوں کی سہولیات سے مزین کرکٹ سٹیڈیم ہے ہیں، اب پاکستان کرکٹ بورڈ (پی سی بی) کئے جائیں گے.

 

کھیلوں سے وابستہ ناقدین کا کہنا ہے کہ نگران حکومت کے پاس ایسے اہم صوبائی اثاثے بیرونی جماعتوں کو منتقل کرنے کا اختیار نہیں ہے، جس سے اس فیصلے کی قانونی حیثیت پر سوالات اٹھتے ہیں۔ مزید برآں، ارباب نیاز کرکٹ اسٹیڈیم سات سال سے زائد عرصے سے زیر تعمیر ہے، جس کی وجہ سے اس کی منتقلی مزید متنازع ہے۔

 

ان کا موقف ہے کہ توقیر ضیاءدور میں پی سی بی نے ارباب نیاز کرکٹ سٹیڈیم کو اپنی تحویل میں لینے کیلئے بات کی تھی اور ساتھ میں یہ بھی کہا تھا کہ تمام فنڈنگ پی سی بی کرے گی تاہم اس وقت یہ نہیں دیا گیا اور اب جبکہ صوبے کی اربوں روپے کی فنڈنگ اس پر لگ چکی ہیں اسے پی سی بی کے حوالے کیا جارہا ہے جو کہ یہاں کے کھلاڑیوں کیساتھ بھی زیادتی ہے.

 

نگراں وزیر کھیل ڈاکٹر نجیب اللہ نے ان الزامات کا جواب دیتے ہوئے کہا، "ہو سکتا ہے ہمارے پاس ضروری اختیارات نہ ہوں، لیکن ہم اسٹیڈیم کی منتقلی کے لیے قانونی راستہ تلاش کرنے کے لیے پرعزم ہیں۔”

 

مزید برآں، نگراں حکومت کے نمائندے ڈاکٹر نجیب نے عوام کو یقین دلایا کہ پی سی بی کے ساتھ بات چیت مکمل ہو چکی ہے، اور متنازعہ منتقلی کی باضابطہ اجازت حاصل کرنے کے لیے اس معاملے پر کابینہ میں غور کیا جائے گا۔