سرفراز احمد پر نیشنل ٹی ٹوئنٹی کپ میں جرمانہ عائد

قومی کرکٹ ٹیم کے سابق کپتان سرفراز احمد پر نیشنل ٹی ٹوئنٹی کپ میں جرمانہ عائد کر دیا گیا۔کراچی اور بلوچستان کے درمیان کھیلے گئے میچ میں سندھ کی ٹیم کی نمائندگی کرنے والے قومی ٹیم کے سابق کپتان سرفراز احمد پی سی بی لیول ون کی خلاف ورزی کے مرتکب پائے گئے۔پی سی بی کے مطابق سرفراز احمد پر میچ فیس کا 30 فیصد جرمانہ عائد کیا گیا ہے۔نیشنل ٹی ٹوئنٹی کپ میں بلوچستان کے خلاف میچ میں سرفراز احمد نے آئوٹ ہونے کے بعد نامناسب رویہ اپنایا تھا۔