انٹر سکول سوئمنگ چیمپئن شپ کل سے شروع ہوگی، آصف اورکزئی

خیبر پختونخوا سوئمنگ ایسو سی ایشن کے زیراہتمام انٹر سکول سوئمنگ چیمپئن شپ کل 14 ستمبرسے عادل خان سوئمنگ پول پشاور سپورٹس کمپلیکس میں منعقد ہوگی جس میں مختلف گورنمنٹ اور پرائیوٹ سکولوں کے سو سے زائد بچے شرکت کرینگے ان خیالات کا اظہار خیبرپختونخوا سوئمنگ ایسوسی ایشن کے صدر محمد آصف اورکزئی نے میڈیا سے گفتگو کرتے ہوئے کیا

انہوں نے بتایا کہ چیمپئن شپ میں انڈر 10اور انڈر 12اور انڈر 14عمر کے علاوہ سینئر کیٹگریز کے مقابلے منعقد ہونگے چیمپئن شپ میں پچاس میٹر فری سٹائل، پچاس میٹر بیک سٹروک، پچاس میٹر کک فری سٹائل، کے کیٹگریز شامل ہیں، آصف اورکزئی نے بتایا کہ اس چیمپئن شپ میں پرائیویٹ سکولز کے بچے شرکت کررہے ہیں جبکہ اس کے بعد سرکاری سکولوں کے مابین مقابلے منعقد کئے جائینگے۔ دوسرے مرحلے میں ان دونوں کیٹگریز کے فاتح کھلاڑیوں کا آپس میں مقابلہ ہوگا، جس میں بہترین کھلاڑیوں کا انتخاب آل پاکستان سکول مقابلوں کیلئے کیا جائیگا۔