خواجہ سرائوں کیلئے باکسنگ کیٹیگری متعارف کرانے کی منصوبہ بندی

ورلڈ باکسنگ کونسل نے خواجہ سرائوں کیلیے بھی کیٹیگری متعارف کرانے کی منصوبہ شروع کردی ہے۔میڈیا رپورٹ میں صدر ڈبلیو بی سی موریسیو سلیمان کے حوالے سے کہا گیا کہ باکسنگ کونسل الگے سال یہ کیٹیگری تشکیل دے گی۔انہوں نے مزید کہا کہ باکسنگ سے دلچسپی رکھنے والے خواجہ سرائوں کو مقابلے کی دعوت دی جائے گی۔صدر ڈبلیو بی سی نے یہ بھی کہا کہ ممکنہ طور پر اس کیٹیگری میں لیگز اور ٹورنامنٹ بھی کرائیں گے۔ان کا کہنا تھا کہ مقابلے کیلیے ڈبلیو بی سی پیدائش کا قانون اپنائے گی، مرد سے عورت اور عورت سے مرد بننے والے آپس میں مقابلہ کرسکیں گے۔