SportsLink PK Latest Sports News in Urdu
پاکستان اور نیوزی لینڈ کے درمیان دو ٹیسٹ میچوں کی سیریز کے کراچی میں جاری پہلے ٹیسٹ میچ کے چوتھے روز کھیل کے اختتام پاکستان کی ٹیم نے اپنی دوسری اننگز میں دو وکٹوں کے نقصان پر 77 رنز بنالئے ہیں جبکہ اسے خسارہ پورا کرنے کیلئے مزید 97 رنز درکار ہیں، جس وقت چوتھے روز کا کھیل ختم ہوا تو وکٹ پر امام الحق 45 اور نائٹ واچ مین نعمان علی 4 رنز کے ساتھ موجود تھے، قبل ازیں نیوزی لینڈ کی ٹیم نے اپنی پہلی اننگز پاکستان کے پہلی اننگز کے سکور 438 رنز تمام کھلاڑی آئوٹ کے جواب میں 612 رنز 9 کھلاڑی آئوٹ پر ڈکلیئر کردی جس کے بعد اسے پاکستان پر 174 رنز کی برتری حاصل ہوئی تھی، نیوزی لینڈ کی جانب سے کین ولیمسن نے شاندار بیٹنگ کا مظاہرہ کرتے ہوئے ڈبل سنچری سکور کی، پاکستان کی دوسری اننگز کا آغاز مایوس کن رہا اور اوپنر عبداللہ شفیق 47 کے مجموعی سکور پر 17 رنز بنانے کے بعد پویلین چلتے بنے، ان کے بعد آنے والے بیٹر شان مسعود بھی وکٹ پر زیادہ دیر نہ رک سکے اور دس رنز بنانے کے بعد واپس لوٹ گئے، اس وقت پاکستان کا مجموعی سکور 71 رنز تھا ، نیوزی لینڈ کی جانب سے بریسویل اور سودھی نے ایک ایک وکٹ حاصل کی۔