آئی سی سی کرکٹ ورلڈ کپ میں کل اتوار کو پہلے رائونڈ کا آخری میچ بھارت اور نیدرلینڈز کے مابین بنگلور میں کھیلا جائے گا ، میگا ایونٹ کے دلچسپ مقابلوں کا سلسلہ بھارت میں جاری ہے ، اتوار کو ٹورنامنٹ کے 45 ویں میچ میں بھارت اور نیدرلینڈز کی ٹیمیں بنگلور میں آمنے سامنے ہوں گی ،
بھارت کی ٹیم ٹورنامنٹ میں ناقابل شکست ہے اور 8 میچ جیت کر 16 پوائنٹس کے ساتھ پہلے نمبر پر ہے ، بھارتی ٹیم کو جارح مزاج بیٹر روہیت شرما لیڈ کر رہے ہیں اور انہیں ویرات کوہلی ، جسپریت بمرا ، محمد شامی ، روندرا جدیجا ، شبمان گل جیسے بہترین کھلاڑیوں کی خدمات حاصل ہیں ،
نیدرلینڈز کی ٹیم نے 8 میچ کھیل دو میں کامیابی حاصل کی ہے اور وہ 4 پوائنٹس کے ساتھ دسویں نمبر پر ہے ، نیدرلینڈز کی ٹیم سکاٹ ایڈورڈز کی قیادت میں میدان میں اترے گی ۔