کرکٹ

ڈی پی ورلڈ آئی ایل ٹی 20 سیزن 5 ; گلف جائنٹس نے شارجہ واریئرز کو 7 رنز سے شکست دے دی

ڈی پی ورلڈ آئی ایل ٹی 20 سیزن 5 ; گلف جائنٹس نے شارجہ واریئرز کو 7 رنز سے شکست دے دی

شارجہ، 22 نومبر 2026: ڈی پی ورلڈ آئی ایل ٹی 20 سیزن 5 کے پہلے میچ میں گلف جائنٹس نے 168 رنز کا دفاع کرتے ہوئے شارجہ واریئرز کو سنسنی خیز مقابلے کے بعد 7 رنز سے شکست دے دی۔

ابراہیم زدران کی 53 گیندوں پر 84 رنز کی شاندار اننگز اور ڈیوڈ ملر (47 رنز) کے ساتھ 88 رنز کی شراکت نے جائنٹس کو 168/8 تک پہنچایا، جس کے بعد ڈیوڈ ویزے (2/16) اور عظمت اللہ عمرزئی کی قیادت میں باؤلرز نے واریئرز کو 161/7 تک محدود رکھا۔

واریئرز کی جانب سے جیمز ونس نے 31 رنز بنا کر اننگز کو سنبھالنے کی کوشش کی، لیکن جائنٹس کے باؤلرز نے آخری 8 اوورز میں صرف 66 رنز دیے اور فتح اپنے نام کر لی۔

گلف جائنٹس کی شروعات خراب رہی، رحمان اللہ گرباز (3) اور لیام لیونگسٹن (1) جلد آؤٹ ہو گئے۔ کپتان ہینرک کلاسن بھی صرف 1 رن بنا سکے، جس سے ٹیم 61/4 پر لڑکھڑا گئی۔

اس کے بعد ابراہیم زدران نے 35 گیندوں پر ففٹی مکمل کی اور ڈیوڈ ملر کے ساتھ 54 گیندوں پر 88 رنز کی شراکت قائم کر کے ٹیم کو مقابلے میں واپس لے آئے۔

جواب میں شارجہ واریئرز کا آغاز اچھا رہا، ٹم سیفرٹ نے 12 گیندوں پر 24 رنز بنائے، پال والٹر نے 24 گیندوں پر 40 رنز کی جارحانہ اننگز کھیلی۔ محمد نبی نے 32 گیندوں پر 39 رنز بنا کر میچ کو آخر تک زندہ رکھا، لیکن آخری اوور میں الزاری جوزف نے 20 رنز کا دفاع کر کے جائنٹس کو جیت دلا دی۔

مختصر اسکور:

گلف جائنٹس 168/8 (ابراہیم زدران 84، ڈیوڈ ملر 47، آدم ملنے 2/33)
شارجہ واریئرز 161/7 (پال والٹر 40، محمد نبی 39، جیمز ونس 31، ڈیوڈ ویزے 2/16)

پلیئر آف دی میچ: ابراہیم زدران

Related Articles


Back to top button