کپتانی کی جنگ سے ڈریسنگ روم کا ماحول خراب ہوگا، رمیز راجا

پاکستان کرکٹ بورڈ کے سابق چیئرمین رمیز راجا کا قومی ٹیم کی کپتانی کے حوالے سے قیاس آرائیوں پر بیان آگیا۔رمیز راجا کا کہنا ہے کہ بابراعظم ، شاہین آفریدی اور شاداب خان پاکستان کے اہم ترین کھلاڑی ہیں، افسوس ہے کہ بابر، شاداب اور شاہین کپتانی کی جنگ میں آمنے سامنے ہیں۔

سابق چیئرمین نے کہا کہ کپتانی کی جنگ سے ڈریسنگ روم کا ماحول خراب ہوگا،بابراعظم کی وائٹ بال میں بنی ٹیم  پر بھی اثر پڑےگا۔انہوں نے کہا کہ پی سی بی ماضی سے سبق سیکھے،90 کی دہائی میں کپتانی کی افواہوں سے پاکستان کرکٹ تباہ ہوئی تھی۔