ارشدیپ سنگھ نے ٹی ٹوئنٹی انٹرنیشنل میں دو عالمی ریکارڈ قائم کر دیے
آکلینڈ: بھارت کے فاسٹ بولر ارشدیپ سنگھ نے نیوزی لینڈ کے خلاف چوتھے ٹی ٹوئنٹی میں تاریخ رقم کر دی، حالانکہ بھارت کو 87 رنز سے شکست کا سامنا کرنا پڑا۔
جمعہ کو ایڈن پارک آکلینڈ میں کھیلے گئے میچ میں ارشدیپ نے 4 اوورز میں 38 رنز دے کر 1 وکٹ حاصل کی۔ انہوں نے نیوزی لینڈ کے کپتان مچل سینٹنر (5 رنز) کو آؤٹ کر کے اپنی 150ویں ٹی ٹوئنٹی انٹرنیشنل وکٹ مکمل کی۔
ریکارڈ نمبر 1: ارشدیپ 150 وکٹیں لینے والے پہلے بھارتی مرد کرکٹر بن گئے۔ انہوں نے یہ سنگ میل 103 میچوں اور 2143 گیندوں میں عبور کیا اور دنیا کے تیز ترین فاسٹ بولر بن گئے۔ اس سے پہلے یہ ریکارڈ بنگلہ دیش کے مستفیض الرحمان کے پاس تھا۔
ریکارڈ نمبر 2: 2026 میں اب تک 40 وکٹیں لے کر ارشدیپ نے ایک کیلنڈر سال میں کسی فل ممبر ملک کے بولر کی سب سے زیادہ وکٹوں کا ریکارڈ بھی اپنے نام کر لیا۔ اس سے پہلے آئرلینڈ کے جوش لٹل نے 2022 میں 39 وکٹیں لی تھیں۔
اس کارکردگی کے ساتھ انہوں نے آئرلینڈ کے فاسٹ بولر جوشوا لٹل کا سابقہ ریکارڈ بھی اپنے نام کرلیا، جنہوں نے ایک کیلنڈر سال میں 39 وکٹیں حاصل کی تھیں۔
یوں نیوزی لینڈ کے خلاف میچ میں بھارتی ٹیم کو شکست کا سامنا کرنے کے باوجود ارشدیپ سنگھ اپنی انفرادی کامیابیوں کے باعث نمایاں رہے۔
