ورلڈ جونیئر سکواش چیمپئن شپ جیتنے پر وزیراعظم شہبازشریف کی حمزہ خان کو مبارک باد

وزیراعظم شہبازشریف نے ورلڈ جونیئر سکواش چیمپئن شپ جیتنے پر حمزہ خان، قوم اور تمام کھلاڑیوں کو مبارک باددی ہے ۔

انہوں نے آج ایک بیان میں37 سال بعد ایک بارپھر پاکستان کو یہ اعزاز دلوانے پرنوجوان کھلاڑی حمزہ خان کا شکریہ ادا کیا ۔

انہوں نے کہاکہ حمزہ خان نے ورلڈ سکواش چیمپئن جان شیر خان کی انیس سو چھیاسی کی کامیابی کی یاد تازہ کردی ہے ۔

انہوں نے کہا کہ قوم سکواش کے میدان میں ایک بار پھر پاکستان کا پرچم بلند کرنے پر آپ کو خراج تحسین پیش کرتی ہے ۔